काठमाडौंको कागेश्वरी मनहरामा  युवक र युवती एउटै पासोमा झुन्डिएको अवस्थामा मृत फेला परेका ।

कागेश्वरी मनहरा नगरपालिका वडा नम्बर ९, पेप्सीकोलास्थित एक घरको कोठाभित्र सलको पासो लगाएर मृत्यु भएको अवस्थामा युवक र युवती फेला परेको महानगरीय प्रहरी वृत्त बानेश्वरका प्रहरी नायव उपरीक्षक  दक्ष कुमार बस्नेतले जानकारी दिए ।

उनीहरु लिभिङ टुगेदरमा बसेको र भाडामा लिएको आफ्नै कोठाभित्र एउटै सलको पासो लगाएर झुन्डिएको अवस्थामा भेटिएको उनले जानकारी दिए ।

बुधबार दिउँसो साढे १२ बजेतिर खबर आएपछि प्रहरी टोली घटनास्थल पुगेको उनले बताए।

डीएसपी बस्नेतले घटना गम्भीर रहेको र हत्या वा आत्महत्या अहिल्यै भन्न नसकिने बताए। घटनाबारे गम्भीर ढंगले अनुसन्धान भइरहेको प्रहरीले जनाएको छ ।

प्रहरी स्रोतका अनुसार उनीहरू ३६ वर्षीय आदम मोहम्मद मुसलमान र २६ वर्षीया अस्मिता थापा भएको बुृझिएको छ।