जनता समाजवादी पार्टीका शीर्ष नेताहरू र नेपाली कांग्रेसका सभापति शेरबहादुर देउवाबीच भेटवार्ता भएको छ ।

जनता समाजवादी पार्टीका नेता र देउवाबीच देउवा निवास बुढानिलकण्ठमा भेटवार्ता भएको हो ।

जनता समाजवादी पार्टीका अध्यक्षद्वय महन्थ ठाकुर, उपेन्द्र यादव, नेताहरू बाबुराम भट्टराई, राजेन्द्र महतोलगायत सभापति देउवालाई भेट्न बुढानिलकण्ठ पुगेका थिए।

करिब एक घण्टा भएको भेटमा सरकारले हतारमा संसद अधिवेशन अन्त्य गरेको विषयमा समीक्षा भएको थियो । एक नेताका अनुसार समसामयिक राजनीतिक घटनाक्रम, नागरिकता विधेयकलगायतका विषयमा पनि कुराकानी भएको थियो ।