Loading...
Logo
Image

प्रयोग गरिएका कण्डम बिक्रिमा !

भियतनाममा प्रहरीले करिब ३ लाखवटा भन्दा बढी प्रयोग गरिएका कण्डम बिक्रीमा राखेको अवस्थामा बरामद गरेको छ । 

गैरकानुनी रूपमा ठूलो परिमाणमा बिक्रीका लागि राखिएको प्रयोग भइसकेका कन्डम बरामद गरेको हो । 

झन्डै तीन लाख २० हजारवटा त्यस्ता कन्डम सर्वसाधारण ग्राहकलाई बेच्न राखिएको थियो ।भिडियो फुटेजमा कन्डमका दर्जनौं झोला देखिएको छ । 

प्रहरीले दक्षिणी भेगमा रहेको बन द्युङ्ग प्रान्तस्थित एउटा गोदाममा छापा मारेर सो परिमाणमा कण्डम फेला पारेको हो ।

सो गोदामको मालिक भएको आशंकामा एक महिलालाई पक्राउ गरिएको छ।

ती कन्डमलाई पहिले पखालेर लिङ्गको आकारको काठ प्रयोग गरी नयाँ जस्तै बनाइ‍एको बताइन्छ। त्यस्ता कन्डमलाई पुनः प्याक गरी बेच्ने गरिएको बताइएको छ।

भियतनामको सरकारी सञ्चारमाध्यम भीटीभीका अनुसार पक्राउ परेकी महिलाले त्यस्तो कन्डमको प्रतिकिलो ०.१७ अमेरिकी डलरमा आफूले प्राप्त गर्ने बताएकी छन् ।

हालसम्म त्यस्ता कति कन्डम बजारमा बिक्री गरियो भन्ने स्पष्ट भएको छैन । 

स्रोत: Shilapatra

Comments