Loading...
Logo
Image

काठमाडौंको चाबहिल र मीत्रपार्कमा आकाशेपुल बनाउदै महानगर

काठमाडौं महानगरपालिकाले काठमाडौंको चाबहिल चोक र मित्रपार्कमा आकाशे पुल निर्माण कार्य शरु गरेको छ ।

आज (आइतबार) काठमाडौं महानगरपालिकाका मेयर विद्यासुन्दर शाक्यले चाबहिल चोक र मित्रपार्कमा निर्माण हुन लागेको आकाशे पुलको शिलान्यास गरेका छन् ।

चावहिल चोकमा ३३ मिटर लम्बाइ र २ मिटर चौडाइ साथै मित्रपार्कमा १६ मिटर लम्बाइ र २ मिटर चौडाइका दुई ओटा पुलको निर्माण गर्न लागिएको हो । आकाशे पुलको शिलान्यास गर्दै प्रमुख शाक्यले महानगरपालिका क्षेत्रभित्र भिडभाड र दुर्घटना बढी हुने स्थानहरुमा आकाशे पुल निर्माणको अभियानलाई अघि बढाएको जानकारी दिए ।

उनले स्थानीयहरूको मागअनुसार पुल शिलान्यास गरिएको र स्थानीयको साथ रहेमा समयअगावै निर्माण कार्य सम्पन्न हुने विश्वास व्यक्त गरे । 

पुल निर्माणको ठेक्का सविरा कन्स्ट्रक्सनले पाएको छ भने जेठ २०७९ भित्र पुल निर्माण सक्नुपर्नेछ । 

Comments

KATHMANDU WEATHER