Loading...
Logo
Image

ओरालो लाग्दै सुनको मूल्य, आज पनि चार सय रुपैयाँले घट्यो

बिगत चार दिनदेखि लगातार घटिरहेको सुनको मूल्य आइतबार पनि प्रति तोला चारसय रुपैयाँले घटेको छ । गत बुधबारदेखि ओरालो लागेको सुनको मूल्य आजपनि घटेको नेपाल सुनचाँदी व्यवसायी महासंघले जनाएको छ ।

बुधबारदेखि आइतबारसम्म सुनको मूल्य प्रतितोला दुइ हजार दुई सय रुपैयाँले घटिसकेको छ । गत बुधबार सुनको मूल्य प्रतितोला ९४ हजार ४सय थियो । शुक्रबारको तुलनामा सुनको मूल्य आज प्रतितोला चार सय रुपैयाँले घटेर ९२ हजार २०० रुपैयाँमा कारोबार भइरहेको छ ।

शुक्रबार सुनको मूल्य प्रतितोला ९२ हजार ६०० रुपैयाँमा कारोबार भएको थियो । यस्तै तेजाबी सुनको मूल्य प्रतितोला ९१ हजार ७०० रुपैयाँमा कारोबार भइरहेको छ । तेजाबी सुन शुक्रबार प्रतितोला ९२ हजार १०० रुपैयाँमा कारोबार भएको थियो ।
    
त्यस्तै चाँदीको मूल्य अघिल्लो कारोबार मूल्यको तुलनामा प्रतितोला १५ ले घटेर एक हजार २५० रुपैयाँ कायम भएको महासंघले जनाएको छ । अन्तर्राष्ट्रिय बजारमा आइतबार सुन प्रतिऔँस एक हजार ७९२ डलर आसपास कारोबार भइरहेको छ ।

Comments

KATHMANDU WEATHER