आन्तरिक पर्यटक आकर्षित गर्ने उद्देश्यले चुलाचुली गाउँपालिका ३ र ४ मा अवस्थित ऐना पोखरीमा महोत्सव आयोजना गरिएको छ । 

दश दिनसम्म चल्ने महोत्सवको चुलाचुली गाउँपालिकाका अध्यक्ष राजेन्द्र केरुङले उद्घाटन गरेका हुन् । अध्यक्ष केरुङले स्थानीय पर्यटकीय क्षेत्रको संरक्षण र विकासमा गाउँपालिका प्रतिबद्ध रहेको बताए । 

महोत्सवमा खेलकुद प्रतियोगिता र सांस्कृतिक कार्यक्रमका साथै घरेलु उत्पादनको प्रदर्शनी पनि हुनेछ । सहज रूपमा ऐना पोखरी पुग्न चुलाचुली गाउँपालिकाले मोटर सञ्चालन हुने सडक निर्माण गरेको छ । 

चुलाचुली पालिकाले पोखरी आसपासको क्षेत्रमा प्रतीक्षालयलगायत विविध भौतिक संरचना पनि निर्माण गरेको छ ।