काठमाडौँ, चैत २० गते बिहीवार । नेपालमा थप एकजनामा कोरोना संक्रमण भेटिएको छ । छैटौं कोरोना संक्रमित  पनि बागलुङकी महिला भएको पुष्टि भएको छ । स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ता डा. विकास देवकोटाले सो कुराको जानकारी गराउनु भएको हो । स्वास्थ्य तथा जनसंख्या मन्त्रालयका प्रवक्ता डा.देवकोटाका अनुसार कतारको दोहा हुँदै क्यूआर ६५२ उडान बाट चैत्र ४ गते  नेपाल आएका व्यक्तिमा कोरोना भाइरस परीक्षणको रिपोर्ट पोजेटिभ देखिएको हो ।

यसअघि सोही विमानमार्फत नेपाल आएका २ जना युवतीमा संक्रमण देखिएको थियो ।