काठमाडौ, बैशाख ३१ गते बुधबार । भक्तपुरका २ जना महिला र काठमाडौंका १ पुरुषमा कोरोना संक्रमण पुष्टि भएको छ । 

राष्ट्रिय जनस्वास्थ्य प्रयोगशाला काठमाडौंमा परीक्षण गर्दा बुधबार थप २६ जनामा कोरोना पुष्टि भएको हो । योसँगै बुधबार  मात्र संक्रमितको संख्या ८३ पुगेको छ । 

थप संक्रमित हुनेहरुमा महोत्तरीमा १८, धनुषा, भक्तपुरमा २/२, काठमाडौं र सर्लाहीमा १/१ जनामा कोरोना संक्रमण पुष्टि भएको छ ।

नयाँ संक्रमितमा पर्साका २२, २८, २८, ३२, ४५, ६० वर्षीय पुरुष, १६, २२, २४, २५, २५, २८, २८, ३२, ५९, ५५, ६१ र ६१ वर्षका महिला रहेका स्वास्थ्य तथा जनसंख्या मन्त्रालयले जनाएको छ ।महोत्तरीका १६ र ३५ वर्षीय पुरुषमा पनि कोरोना संक्रमण देखिएको मन्त्रालयका सहप्रवक्ता समीरकुमार अधिकारीले जानकारी दिए ।

उनका अनुसार धनुषाका २० वर्षीया महिला, ४० वर्षीय पुरुष, भक्तपुरका २५ वर्षीया महिला, २७ वर्षीय पुरुष, काठमाडौंकी ३३ वर्षीया महिला र सर्लाहीका ४५ वर्षीय पुरुषमा पनि कोरोना संक्रमण पुष्टि भएको छ । उनीहरू सबैको अवस्था सामान्य रहेको सहप्रवक्ता अधिकारीले जानकारी दिए । 

योसहित नेपालमा संक्रमितको कुल संख्या २ सय १७ पुगेको छ ।  दैनिक उपत्यका भित्रिने यात्रु र उपत्यका भित्रै बढेको आवतजावतले उपत्यकामा पनि जोखिम बढाएको छ ।