Loading...
Logo
Image

विश्वमा कोरोना भाइरसको संक्रमण बड्दो, डब्लूएचओले भन्यो कोरोना अन्त्य हुन गाह्रो देखिन्छ

काठमाडौँ, जेठ ८ गते बिहीबार । बुधबार एकै दिन अहिलेसम्मकै धेरै व्यक्तिमा कोरोना भाइरसको संक्रमण देखिएसंगै विश्व स्वास्थ्य संगठन (डब्लूएचओ) ले कोरोना भाइरसको महामारी अन्त्य हुन निकै लामो समय लाग्ने बताएको छ।

कोरोना भाइरसको संक्रमण झनझन् बढेकाे भन्दै कोरोना भाइरसको महामारी अन्त्य हुन निकै समय लाग्ने देखिएको डब्लूएचओका महानिर्देशक डा. टेडरोज आध्यनोम गेब्रेयेसोसले बताएका छन्।  

‘पछिल्लो २४ घण्टामा डब्लूएचओलाई प्राप्त तथ्यांकअनुासर विश्वमा१ लाख ६ हजार नयाँ केस थपिएका छन्, यो एकै दिन थपिएको संक्रमितको संख्या अहिलेसम्मकै धेरै हो,’ बुधबारको पत्रकार सम्मेलनमा डा. टेडरोजले भने, ‘झण्डै दुईतिहाइ केस त मात्रै चार देशका हुन्।’

उनका अनुसार पछिल्ला दिनमा कम तथा मध्यम आय भएका देशमा कोरोना संक्रमण बढ्दै गएको छ।

विश्वभर दुई हप्तामै झण्डै १० लाख संक्रमित थपिएकाे  डब्लूएचओले जनाएकाे छ। 

अझ विज्ञहरूले धेरै देशमा पर्याप्त परीक्षण नभएकाले संक्रमण पुष्टि हुन नसकेका कारण संक्रमितको वास्तविक संख्या योभन्दा धेरै हुन सक्ने अनुमान गरेका छन्।

Comments

KATHMANDU WEATHER