बुधबार नेपालमा अहिलेसम्मकै धेरै कोरोना भाइरस संक्रमित भेटिएका छन् । स्वास्थ्य मन्त्रालयका अनुसार बुधबार एकै दिन ५८६ जनामा कोरोना भाइरस संक्रमण देखिएको हो ।

स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले बुधबार ४० जना महिला र ५४६ जना पुरुष गरी ५८६ जनामा कोरोना भाइरस संक्रमण पुष्टि भएको जानकारी दिएका हुन् । योसँगै नेपालमा कोरोना भाइरस संक्रमितको संख्या ७ हजार १७७ पुगेको छ । जसमध्ये ५३९ जना महिला र ६ हजार ६३८ जना पुरुष रहेका छन् ।