सत्तारुढ दल नेपाल कम्युनिस्ट पार्टी (नेकपा)का अध्यक्ष तथा प्रधानमन्त्री केपी शर्मा ओलीले राष्ट्रपति विद्यादेवी भण्डारीलाई भेटर फर्किएलगत्तै अर्का अध्यक्ष पुष्पकमल दाहाल (प्रचण्ड) शीतलनिवास पुगेका छन् ।

चालू बजेट अधिवेशन अन्त्य गर्ने राष्ट्रपति भण्डारीको घोषणामा तीव्र असन्तुष्टि जनाउँदै प्रचण्ड शीतलनिवास पुगेका उनी निकट स्रोतले जनाएको छ ।

आज बसेको मन्त्रिपरिषद् बैठकले चालू अधिवेशन अन्त्य गर्न राष्ट्रपति भण्डारीलाई सिफारिस गरेको थियो । मन्त्रिपरिषद्को सिफारिसलगत्तै राष्ट्रपति भण्डारीले आज बेलुका ५ बजेबाट लागू हुने गरी चालू बजेट अधिवेशन अन्त्य गरेकी छन् । सोही विषयलाई लिएर असन्तुष्ट रहेका प्रचण्ड राष्ट्रपतिलाई भेट्न पुगेका हुन् ।

एक चौथाइ सांसदले हस्ताक्षर गरेर संसदको अधिवेशनका माग गरे राष्ट्रपतिले पुनः अधिवेशन आह्वान गर्नुपर्ने हुन्छ । प्रचण्डले राष्ट्रपतिलाई आफूहरूले एक चौथाइ सांसदको हस्ताक्षर पुर्‍याएर पुनः अधिवेशन आह्वान गर्ने कुराको जानकारी गराउन प्रचण्ड शीतलनिवास पुगेको बताइएको छ ।

मन्त्रिपरिषद् बैठक अगाडि प्रधानमन्त्री ओलीले राष्ट्रपति भण्डारीसँग भेटवार्तासमेत गरेका थिए ।