नेपाल विद्युत प्राधिकरण सञ्चालक समितिको सदस्यमा अमरगढी नगरपालिका–४ डडेल्धुराका इन्जिनियर रतनबहादुर ऐर नियुक्त भएका छन् ।

ऊर्जा, जलस्रोत तथा सिँचाइमन्त्री शक्तिबहादुर बस्नेतको सोमबारको निर्णयबाट प्राधिकरणको रिक्त सञ्चालकमा ऐरलाई चार वर्षका लागि नियुक्त गरिएको हो । 

विद्युत क्षेत्रमा विशेषज्ञता हासिल गरेका गैर सरकारी व्यक्तिमध्येबाट ऐरलाई नियुक्त गरिएको छ ।

सिभिल इन्जिनियरिङमा स्नातकोत्तर अध्ययन गरेका ऐरसँग प्राधिकरणका इन्जिनियरको रूपमा २९ वर्षभन्दा बढी काम गरेको अनुभव छ ।