यूएसएडको सहयोग लिएर धर्मविरोधी प्रचार गरेको भनी लगाइएको आरोपको महजोडीले खण्डन गरेको छ । सामाजिक सञ्जालमार्फत भिडियो वक्तव्य जारी गर्दै मदनकृष्ण श्रेष्ठ र हरिवंश आचार्य (महजोडी)ले आफूहरूमाथि लगाइएको धर्मविरोधी आरोपको खण्डन गरेका हुन् । 

साथै, उनीहरूले आफूलाई समाजलाई सचेतना फैलाउने खालका कामहरू गरेको र ती कामका भिडियोहरू पनि भएका कारण सत्यतथ्य जाँच गरी भ्रमको पछि नलाग्न आग्रह गरेका छन् ।

हालै महजोडीले हिन्दु धर्मको विरोध गरेको दाबीसहितका भिडियो सामग्री सामाजिक सञ्जालमा भाइरल गराइएका छन् ।