रोयल इन्फिल्डले 'हन्टर कार्निभल' आयोजना गर्ने भएको छ । उत्पादनमा निरन्तर सबैभन्दा पुरानो मोटरसाइकल ब्रान्ड 'रोयल इनफिल्ड'का लागि आधिकारिक बिक्रेता अल्फा अटोमोटिभ प्रालिले हालै बजारमा ल्याइएको हन्टर ३५० मोटरसाइकलको कार्निभल यही फागुन १२ गते इजी वे ट्रायल सेन्टर, शंखमुलमा हुने जानकारी दिएको हो ।

आयोजकका अनुसार, कार्यक्रममा टेस्ट राइड, स्लो रेस कम्पिटिसन, रोयल इनफिल्ड गियर एण्ड जीएमए प्रदर्शनी, मोटरसाइकल एक्सचेन्ज क्याम्प, हेरिटेज कर्नर, भिन्टेज तथा कस्टमाइज्ड मोटर साइकल परेड, फुड स्टलहरू र म्युजिकल पर्फर्मेन्सलगायतका कार्यक्रमहरू सञ्चालन हुनेछन् ।